Публикации » Радиф Зейнетдинов — професси енĕпе чи лайăххи

23 июня 2011 г.

Иртнĕ кунсенче республикăн Шалти ĕçсен министерствин професси хатĕрленĕвĕн центрĕнче хуралпа конвой подразделенийĕсен аслă тата вăтам ертÿçисен йышĕнчи сотрудникĕсем хушшинче ăсталăх конкурс иртнĕ. Унта офицерсен самай пысăк йышĕ хутшăннă. Тупăшу условийĕсем ансат мар: полицейскисен хăйсем саккунсене лайăх пĕлнине, инкек тÿснĕ çынна медицина пулăшăвĕ пама пултарнине, Макаров пистолетĕнчен тĕл пенине çирĕплетмелле. Çавăнтах жюри пакунлă çынсем кĕрешÿ мелĕсене пĕлнине, хăвăрт чупнине те шута илнĕ. Хĕрÿ тупăшура пирĕн районти шалти ĕçсен пайĕн тытса чарнисене вăхăтлăх хупса усрамалли изоляторĕн пуçлăхĕ Радиф Зейнетдинов «Професси енĕпе чи лайăххи» ята тивĕçнĕ.

Источник: "Каçал Ен"