23 июня 2011 г.
Кăçал пĕтĕмпе 14606 гектар çинче пĕрчĕллĕ тата пăрçа йышши тырăсем çитĕнĕç. Çанталăк условийĕсем кăткăс пулсан та 6124 гектарне çум курăкран им-çам сапнă. Çак ĕçе «Алга», «Турхан» ял хуçалăх кооперативĕсенче, «Нива», «Слава картофелю» агрофирмăсенче, «Восход» ОООра, «Родина», Минатуллинăн, Атласкинăн фермер хуçалăхĕсенче лайăх йĕркеленĕ.
2297 гектар çĕр улми лартнă. 1289 гектар çинчи «иккĕмĕш çăкăр» йăранĕсене çырнă. Çак ĕçĕн пĕрремĕш хутне «Восток», «Асаново», «Победа», «Рассвет» ял хуçалăх кооперативĕсенче, «Урожай» колхозра, «Родина», Минатуллинăн фермер хуçалăхĕсенче вĕçленĕ.
Районти пĕрлешÿллĕ хуçалăхсенче нумай çул ÿсекен курăксем 4951 гектар йышăнаççĕ. 1009 гектарне çулса выльăхсене çитернĕ, хĕле валли апат хатĕрлеме усă курнă. 6 хуçалăхра — «Слава», «Дружба», «Труд», «Восток», «Урожай» , «Победа» — сенаж хываççĕ.
Июнĕн 21-мĕшĕ тĕлне çак апата 3280 тонна янтăланă.
Пурте куратпăр ĕнтĕ, çанталăк пĕр евĕр тăмасть. Çавăнтах хĕвел пăхать, кăштахран çумăр лÿшкеме пуçлать. Кашни май килнĕ самантпах усă курмалла. Утă та çулмалла, çум курăксене хирĕç те кĕрешмелле.
Источник: "Каçал Ен"