Публикации » Саппасрисем — Çĕрпÿри сборта

18 июня 2011 г.

Раççей Федерацийĕн Президенчĕ Д.Медведев кăçалхи январĕн 21-мĕшĕнче саппасра тăракан граждансене çар сборĕсене пуçтарасси çинчен Указ çине алă пуснине пĕлтернĕччĕ. Ăна пурнăçласа Чăваш Республикинчи çар комиссариачĕн Комсомольскипе Елчĕк районĕсенчи саппасри салтаксемпе сержантсем Çĕрпÿри çар сборне хутшăнаççĕ. Вăл июнĕн 15-мĕшĕнче пуçланчĕ. Икĕ районти 60 ытла арçын июнĕн 24-мĕшĕччен хăйсен ăсталăхне кăтартĕ. Сăмах май, юлашки хут çакăн пек çар сборĕ пирĕн район территорийĕнче 2008 çулта иртнĕччĕ. Вунă кунлăх сборта саппасри салтаксемпе сержантсем теорипе тата практикăпа хăйсене лайăх енчен кăтартса черетлĕ çар званине те илме тивĕç пулĕç. Салтак тумĕ çĕнĕрен тăхăнни пирки çар билечĕ çине те çыраççĕ, служба срокне те кĕрĕ.

Источник: "Каçал Ен"