11 июня 2011 г.
Хĕл каçа апат çителĕксĕр пулни, халь йĕпе-сапаллă çанталăк тăни выльăх-чĕрлĕх продуктивлăхĕ çине витĕм кÿретех. Районти ял хуçалăх предприятийĕсенчи сĕт-çу фермисенче кашни ĕнерен талăкра 15,9-шар килограмм сĕт сăваççĕ. Пĕлтĕр ку вăхăтри çак кăтарту 17,2 килогрампа танлашнă. «Сюрбеево» ОООри ĕнесем кашни вăтамран 20,3-шер килограмм, «Искра» колхозра, «Пайгас», «Рассвет» ял хуçалăх кооперативĕсенче 18,9—18-шар килограмм сĕт антараççĕ.
«Дубрава» ял хуçалăх кооперативĕнче, Алякинăн фермер хуçалăхĕнче сăвăм 12-шер килогрампа танлашать.
Районти пур пĕрлешÿллĕ хуçалăх та ĕнесене кĕтĕве кăларнă. Ешĕл апат малашне сăвăма ÿстерме пулăшмалла.
Кăçал нумай тата пĕр çул ÿсекен курăксем аван. Выльăх апачĕ çителĕклĕ хатĕрлесе хăварасчĕ.
Источник: "Каçал Ен"