04 июня 2011 г.
Ытти çулсенче ку вăхăтра ака-суха ĕçĕсене туса пĕтерекенччĕ. Кăçал çанталăк условийĕсене пула путакан вырăнсем юлнă.
Кашни татăк çĕрпе усă курма тăрăшаççĕ ял хуçалăх предприятийĕсем. Çĕр пиçсе çитнĕçемĕн унта вăл е ку культурăна акаççĕ, лартаççĕ.
Пĕтĕмĕшле илсен, районта çур аки вĕçленнĕ. Хуçалăхсем пĕрчĕллĕ тата пăрçа йышши тырăсене çум курăка хирĕç кĕрешме гербицидсем сапаççĕ. Унсăр пуçне ытти агротехника ĕçĕсем те пурнăçлаççĕ. Çĕр улми йăранĕсене çырса кăпкалатаççĕ.
Районти пĕрлешÿллĕ хуçалăхсенче 5 пин гектар çинче нумай çул ÿсекен курăксем çитĕнтернĕ. Вĕсем тĕл-тĕл çеçке те çурма пуçланă. Специалистсен нумай çул ÿсекен курăксене кая юлмасăр çулассине йĕркелемелле.
Источник: "Каçал Ен"