01 июня 2011 г.
Иртнĕ шăмат кун, майăн 28-мĕшĕнче, çурхи ĕçсене вĕçлесен, Урмаел ял халăхĕ Сабантуя пухăннă. Çак паллă уявра ăмăр çанталăка пăхмасăрах ватти-вĕтти савăннă.
Уй-хир ĕçĕсене ăнăçлă, тухăçлă вĕçленĕ ĕçченсене Чăваш Республикин Патшалăх Канашĕн депутачĕ, «Чувашрегионгаз» ООО генеральнăй директорĕ К.С.Мифтахутдинов, район пуçлăхĕ Е.И.Карпеев, ЧР тутарсен культурăпа наци автономийĕн председателĕ Р.М.Гадельянов, Урмаел ял поселенийĕн пуçлăхĕ М.М.Зайнуллин, «Алга» ЯХПК председателĕ Н.Г.Мифтахутдинов тата ыттисем те ăшшăн саламланă. Районти тутарсен культурăпа наци автономийĕн председателĕ Ф.А.Гибатдинов Тутарстан Республикин Президенчĕ Р.Н.Миннеханов янă Саламлă çырупа паллаштарнă.
Физкультурăпа спорта юратакансем алă вăйне виçекенсене, кире пуканĕ çĕклекенсене те пăхса киленнĕ.
Тутар-пушкăрт наци мелĕпе кĕрешекенсем те хăйсем тавра куракансене нумай пухнă. Хĕрÿ тупăшура Сабантуй пăхаттирĕ Ильнар Зайнуллин чи ăста пулнине çирĕплетнĕ.
Источник: "Каçал Ен"