Публикации » Хăюлăхпа палăрнăшăн хисепе тивĕçнĕ

25 мая 2011 г.

Иртнĕ çулла шăрăх çанталăка пула Чăваш Республикинче вăрмансенче вут-çулăм алхасрĕ. Çав пушарсене сÿнтерме пирĕн районти вăрман ĕçченĕсем те хутшăнчĕç. Ирçе Çармăс лесничествин лесничийĕнче тăрăшнă Александр Кондратьев та çут çанталăк инкекĕпе кĕрешме хастар хутшăннă. Пушар сÿнтернĕ çĕрте Александр Андреевич хăюлăхпа, çаврăнăçулăхпа, профессионализмпа палăрнă. Çакăншăн ăна РФ Гражданла оборонин, чрезвычайлă лару-тăрусен министерствин Хисеп грамотипе наградăланă. С.К.Шойгу министр алă пуснă Хисеп хучĕ хуçи патне çак кунсенче çитнĕ. Александр Кондратьева пысăк чыса тивĕçнĕ ятпа ăшшăн саламлатпăр, малашнехи ĕçре сывлăхпа ăнăçу сунатпăр.

Источник: "Каçал Ен"