21 мая 2011 г.
Май уйăхĕнче республикăсем хушшинчи «Татчумара»-2011» республикăсем хушшинчи туристсен слечĕ иртнĕ. Ăна ЧР Вĕрентÿ тата çамрăксен политикин министерстви РФ халăх вĕрентĕвĕн тата наукăн Чăваш Ен профсоюз рескомĕ пĕрле йĕркеленĕ. Кăçал вăл 40-мĕш хут иртнĕ. Пирĕн районти профсоюз членĕсем япăх мар кăтартусем тунă. Капитансен конкурсĕнче çитĕнÿсем те пур. Район чысне С.Х.Самарина, Е.Г.Басников (команда капитанĕ), В.М.Гаврилов, Г.С.Симакова, Л.Г.Галкина, Т.Н.Герасимова, В.Г.Зайцева, Н.Г.Ильин, В.П.Мурзаев, Е.Н. Чернова, М.Н.Шишкина, Т.А.Полякова профсоюз членĕсем хÿтĕленĕ. Вĕсем ачасене тарăн пĕлÿ панипе пĕрлех туризм спорчĕ енĕпе те интересленни паха. Ăмăртура, пĕтĕмĕшле илсен, призлă вырăнсем йышăнман пулин те, тупăшусене хутшăнни пысăк пĕлтерĕшлĕ. Камшăн та пулин ку старт пĕрремĕш пулчĕ пулĕ. Малашне район команди ăнăçлăрах ăмăртасса шанатпăр.
Источник: "Каçал Ен"