21 мая 2011 г.
Районти ял хуçалăх предприятийĕсенче çурхи ака-суха ĕçĕсем малалла пыраççĕ. Хăш-пĕр вырăнсенче çĕр пиçсе çитменни çĕр ĕçченĕсене чăрмав кăларса тăратать пулин те, çур аки япăх мар пырать. Планпа пăхнă тăрăх кăçал районти пĕрлешÿллĕ хуçалăхсен 8180 гектар çине пĕрчĕллĕ тата пăрçа йышши тырăсем акса хăвармалла. Майăн 19-мĕшĕ тĕлне ку ĕçе 7966 гектар çинче пурнăçланă. Хăш-пĕр ял хуçалăх предприятийĕсем акана вĕçленĕ. Планпа палăртнинчен ытларах тĕш-тырă акнисем те пур.
2011 çулта 2250 гектар çинче çĕр улми çитĕнтерме палăртнă. Хальлĕхе 876 гектар лартнă. Ку ĕçе «Искра», «Победа» ял хуçалăх предприятийĕсем, Минатуллинăн фермер хуçалăхĕ тата темиçе кооперативра вĕçленĕ.
Районĕпе 12 хуçалăх 166 гектар пахча-çимĕç акнă-лартнă. Пĕр çул ÿсекен курăксене 2028 гектар çинче акса ÿстерме палăртнăччĕ. Паянхи кун тĕлне 1640 гектар çине акнă. 5 хуçалăхра выльăх кăшманĕ акаççĕ. Кăçал ăна пурĕ 85 гектар çинче çитĕнтерме палăртнă. Майăн 19-мĕшĕ тĕлне 67 гектар акнă.
«Алга» ЯХПК, Минатуллинăн тата Семеновăн фермер хуçалăхĕсем пурĕ 113 гектар сахăр кăшманĕ акнă. Хуçалăхсем акана вăхăтра тата пахалăхлă ирттерес тесе тăрăшаççĕ.
Источник: "Каçал Ен"