18 мая 2011 г.
Чăваш Республикинче 2011 çулта ĕç рынокĕнчи хĕрÿлĕхе чакарас тĕлĕшпе йышăннă тĕллевлĕ программа ĕçлет. Хушма мероприятисен пĕр енĕ инвалидсене ĕçе вырнаçтарма ятарлă ĕç вырăнĕсене кирлĕ пек йĕркелеме май паракан оборудовани туянма тата вĕсене вырнаçтарма субсиди уйăрасси.
Ун пек вырăнсем хатĕрлеме ĕçпе тивĕçтерекен центр ĕç паракана пĕр вырăн пуçне 50 пин тенкĕ парать. Организацин урăх çĕрте ниçта тăман, анчах ĕçлеме пултаракан инвалида яланхи йĕркепе ĕçе вырнаçтармалла.
Ятарлă ĕç вырăнне йĕркеленĕ чухне профессие шута илмелле. 2011 çулта Программăна пирĕн районти 9 организаци хутшăнать. Унта 9 ĕç вырăнĕ тупма шантараççĕ.
Хальлĕхе «Комсомольскагропромхимия» ОАО пĕр инвалида ĕçе вырнаçтарнă.
Источник: "Каçал Ен"