18 мая 2011 г.
Районти ял хуçалăх предприятийĕсенче ака-суха ĕçĕсем вăй илсех пыраççĕ. Майăн 17-мĕшĕ тĕлне районĕпе пурĕ 5850 гектар пĕрчĕллĕ тата пăрçа йышши тырăсем акнă. Ку планпа палăртнин 71 проценчĕ чухлĕ пулать. «Искра» колхоз, «Слава» ЯХПК, Минатуллинăн фермер хуçалăхĕ ку ĕçе вĕçленĕпе пĕрех. Кĕме май çук вырăнсем çеç юлнă.
Çÿлерех асăннă кун тĕлне 610 гектар е палăртнин 27 проценчĕ чухлĕ çĕр улми лартнă. «Искра», «Победа» хуçалăхсенче ăна лартса пĕтернĕ.
Районти 7 хуçалăх кăçал пахча çимĕçпе ĕçлеме тĕллев лартнă. Паянхи куна çак ĕçе 60 гектар çинче (36 процент) пурнăçланă. Районĕпе хальлĕхе 1213 гектар (60 процент) пĕр çул ÿсекен курăксем, 22 гектар ытла выльăх кăшманĕ (26 процент) акнă. Минатуллинăн фермер хуçалăхĕ тата «Алга» ЯХПК пурĕ 98 гектар сахăр кăшманĕ акнă.
Хуçалăхсем вăрлăхсене имçамласа акаççĕ, удобренисем хываççĕ.
Источник: "Каçал Ен"