Публикации » Çамрăксене — патриотизмла воспитани

14 мая 2011 г.

Район администраци пуçлăхĕ Г.Ф.Волков çамрăксен патриотизм туйăмне аталантарас, вăй-халне çирĕплетес, çамрăк армеецсен юхăмне пропагандăлас, вĕренекенсене сывă пурнăç йĕркине хăнăхтарас енĕпе Хушусем кăларнă. Пĕри — майăн 16—18-мĕшĕсенче Комсомольски вăрманĕ çумĕнче çамрăк армеецсен «Зарница» тата «Орленок» çарпа спорт вăййисем ирттересси пирки. Иккĕмĕшĕ — районти вăтам шкулсенчи 10-мĕш классенчи яшсен çар вĕренĕвĕн сборне йĕркелесси çинчен. Майăн 18—20-мĕшĕсенче пулас салтаксем çар ĕçне пĕлнипе паллаштарĕç, пĕлменнине хăнăхĕç. «Зарницăпа» «Орленок» çарпа спорт вăййисенче командующи пулма Хирти Мăнтăр вăтам шкулĕн директорне А.А.Можаева çирĕплетнĕ. Урмаел вăтам шкулĕн ОБЖ учительне Н.С.Сахрова вара çар вĕренĕвĕн сборĕн начальникĕ пулма шаннă. Районти вĕрентÿ пайĕн тата ЧР çар комиссариачĕн Комсомольскипе Елчĕк районĕсенчи уйрăмĕн начальникĕсем Н.А.Максимовпа А.А.Маурин та çак мероприятисемшĕн яваплă пулĕç.

Источник: "Каçал Ен"