11 мая 2011 г.
Уйрăм хуçалăхсем те, ял хуçалăх предприятийĕсем те пахчасене, хирсене вăхăтра акса, лартса хăварас тесе тăрăшаççĕ. Çĕр пиçсе пынăçемĕн хирсенче агротехника ĕçĕсене пахалăхлă пурнăçлаççĕ. Кăтартусем кунсерен çеç мар, сехетсерен улшăнса тăраççĕ. Майăн 9-мĕшĕ тĕлне 2083 гектар лаптăк çине пĕрчĕллĕ тата пăрçа йышши тырăсем акнă. Тĕпрен илсен, ытларах çурхи тулă, урпа, сĕлĕ çĕр айне хывса хăварнă.
«Искра», «Дружба», «Заря», «Победа» ял хуçалăх кооперативĕсем, «Слава картофелю» агрофирма, «Кызыл сабанча» фермер хуçалăхĕ çĕр улми лартаççĕ. Ку ĕçе хальлĕхе 50 гектара яхăн пурнăçланă.
Районĕпе 424 гектар пĕр çул ÿсекен курăксем, кишĕр, хĕрлĕ кăшман, Минатуллинăн фемер хуçалăхĕ 80 гектар сахăр кăшманĕ, «Восход» ООО 3 гектар лартма сухан акнă.
Пур хуçалăхра та пиçсе çитнĕ хирсенче сÿрелеççĕ, культиваци тăваççĕ. Нумай çул ÿсекен курăксене апатлантараççĕ.
Районти ял хуçалăх предприятийĕсенче ĕç вĕресе çеç тăрать.
Пур çĕрте те ака-суха ĕçĕсене вăхăтра ĕлкĕресшĕн, тĕплĕн пурнăçласшăн.
Источник: "Каçал Ен"