07 мая 2011 г.
Тăван çĕр-шывăн Аслă вăрçинче çĕнтерÿ тунăранпа 66 çул çитнине халалласа республикăра мероприятисем ирттерме пуçланă та ĕнтĕ. Майăн 9-мĕшĕнче Шупашкарти Хĕрлĕ площадьре 12 сехетре Çĕнтерÿ уявне халалласа çар парачĕ пулать, митинг иртет. Тÿрĕ трансляци Чăваш Республикин влаç органĕсен официаллă www.cap.ru порталĕнче пулать. Çавăн пекех Чăваш наци радиовĕ те çĕнтерÿпе çыхăннă мероприятисене çутатсах тăрĕ. «Россия-24» канал 14.00—15.00 сехетсенче (тепĕр хут 19.30 сехетре), «Канал 5 плюс» тата «ВТК-информ» каналсем 20 сехетре халăха çав савăнăçлă лару-тăрусемпе паллаштарĕç.
Майăн 8-мĕшĕнче «Россия 1» каналпа Тăван çĕр-шывăн Аслă вăрçин ветеранĕсем тата тыл ĕçченĕсем пирки ятарлă репортажсем пулĕç. Республикăра ирттерекен Çĕнтерÿ кунне халалланă мероприятисем пирки курма, итлеме, пĕлме çителĕклĕ майсем пур.
Источник: "Каçал Ен"