27 апреля 2011 г.
Александровка тĕп шкулĕнче иртнĕ кунсенче 7—9-мĕш классем хушшинче «Чи маттуррисем» ятлă ăс-тăн вăййи иртрĕ. Ăна Н.Безрукова вĕрентекен йĕркелерĕ.
Ăмăртура арçын ачасен тата хĕр ачасен ушкăнĕсем тĕрлĕ ĕçсем пурнăçларĕç, темăсемпе хатĕрленĕ ыйтусене хуравларĕç. Çавăн пекех кроссвордсемпе «сăмах футболĕн» тупсăмĕсене, шÿтлĕ ыйтусене шĕкĕлчерĕç.
Тупăшура вĕренекенсем чăваш чĕлхине аван пĕлни палăрчĕ.
Вăййа пĕтĕмлетнĕ хыççăн арçын ачасем — Алексей Пудовкин, Николай Николаев, Игорь Ефимов (9-мĕш класс), Игорь Мухин, Николай Кокшин (8-мĕш класс) чи маттуррисем пулчĕç, хĕр ачасене 24:23 шутпа çĕнтерчĕç.
Источник: "Каçал Ен"