23 апреля 2011 г.
Комсомольски 1-мĕш вăтам шкулĕнче РФ наркотиксен контролĕ енĕпе ĕçлекен федераллă управленийĕн Канашри районсем хушшинчи уйрăмĕн сотрудникĕ, милици капитанĕ Р.Н.Николаев вĕренекенсемпе калаçу ирттернĕ. Вăл 8—10-мĕш классемпе республикăра наркотиклă тата психотроплă япаласене саккуна пăсса сутнă тĕслĕхсем пулнине, айăплисене тупса явап тыттарнине палăртнă. Ачасене çак сиенлĕ йăларан айккине пăрăнма сĕннĕ. Комсомольски тĕп больницин врач-наркологĕ Л.И.Ярышева та хăйĕн сăмахĕсенче çак препаратсен сиенĕ çинчен тĕплĕн каласа панă.
Канашри районсем хушшинчи наркотиксене контроллекен уйрăмра анонимлă телефон талăкĕпех ĕçлет. Наркотик сутнă, усă курнă тĕслĕхсем пуррине пĕлсен 8(83533) 2-25-45 номерпе шăнкăравласа пĕлтерме пултаратăр.
Тĕл пулу вăхăтĕнче Р.Николаев та, Л.Ярышева та вĕренекенсен ыйтăвĕсене хуравланă.
Источник: "Каçал Ен"