20 апреля 2011 г.
Шалти ĕçсен органĕсенче ĕçлесе тивĕçлĕ канăва тухнисем иртнĕ эрне кун Ветерансен кунне пĕрремĕш хут уявларĕç. Пухăннисене чи малтанах районти шалти ĕçсен пайĕн начальникĕ Г.Н.Кокшин уяв ячĕпе саламларĕ, ырлăх-сывлăх сунчĕ. Канăва тухнă пулсан та, ĕнерхи пакунлă çынсем паянхи кун та стройра. Вĕсем çинчен те ырă сăмахсем каларĕ милици подполковникĕ. Ун хыççăн Геннадий Николаевич милиционерсемшĕн яланах тĕслĕх пулнă çынсене Хисеп грамотисем парса чысларĕ. Вĕсем: К.И.Еремеева, П.В.Лапшин, Н.М. Иванов, В.Т.Павлов, О.А.Токмаков, В.С.Чубуков, В.В.Носов, Г.П.Осипов тата ыттисем те.
Каярахпа вара милици сотрудникĕсем республикăри ветерансен юхăмĕ çинчен ÿкернĕ кинофильмпа паллашрĕç.
Источник: "Каçал Ен"