Публикации » Çул çитмен ачасене — вăхăтлăх ĕç

20 апреля 2011 г.

Районти ĕçпе тивĕçтерекен центрăн ятарлă программипе килĕшÿллĕн, эпир кашни çулах 14—18 çулхи çамрăксене вăхăтлăх ĕçпе тивĕçтерессипе ĕçлетпĕр. Уйрăмах сахал тупăшлă, тулли мар çемьесенчи ачасене ытларах тимлĕх уйăратпăр. Ĕçсĕр тăрса юлнă ашшĕ-амăшĕсен ачисенчен те айккине пăрăнмастпăр. Ăнăçсăртарах çемьесенчи ачасене те, çул çитменнисемпе ĕçлекен комиссире шутра тăракансене те манмастпăр. Вăхăтлăх ĕçе явăçтарасси уйрăмах çуллахи каникул тапхăрĕнче нумайланать. Ачасем ытти уйăхсенче те, вĕренÿрен пушă чухне, ĕçпе тивĕçтерекен центра килсе пулăшу ыйтма пултараççĕ. Вĕсем уйрăмах ялсене, урамсене тирпей-илем кĕртес енĕпе чылай вăй хураççĕ. 26 пин тенкĕлĕх 3 килĕшÿ туса кăçалхи январь—март уйăхĕсенче çавăн пек ĕçсенче 24 ача тăрăшрĕ. Вĕсем кунсерен 2—3-шер сехет кăна ĕçлеççĕ.

Источник: "Каçал Ен"