13 апреля 2011 г.
Ĕнер Раççейре çеç мар, Пĕтĕм тĕнчипех авиаципе космонавтика кунне савăнăçлă лару-тăрура паллă тунă. Тĕнче уçлăхне пуçласа хăпарнăранпа, унти çула уçнăранпа кăçал 50 çул çитрĕ. Ю.А.Гагарин 1961 çулхи апрелĕн 12-мĕшĕнче тĕнчере пĕрремĕш хут Çĕр чăмăрĕ тавра вĕçсе çаврăннă. Ку вăл пуриншĕн те тĕлĕнтермĕш пулнă. Пирĕн республикăра та, районта та çак паллă куна халалласа мероприятисем ирттернĕ. Унта космонавтика аталанăвĕ, тĕнче уçлăхне вĕçнĕ пирĕн ентеш космонавтсем пирки конференцисем, калаçусем пулнă.
Акă, Комсомольски 1-мĕш вăтам шкулĕнче вĕренекенсем те уява тĕплĕн хатĕрленнĕ. Тĕслĕхрен, 5-мĕш «а» тата «б» классенче вĕренекенсем (класс ертÿçисем И.В.Максимова тата С.И.Афки) Интернетпа «Виртуальный мемориальный музей космонавтики» курса паллашнă. Çавăн пекех пиллĕкмĕшсем «Звездный путь Андрияна» мультимедийлă презентаци хатĕрленĕ.
Источник: "Каçал Ен"