09 апреля 2011 г.
Районта пултаруллă та маттур çамрăксем чылайăн. Вĕсем обществăлла ĕçре те хастар, вĕренÿре «4» тата «5» паллăсемпе ĕлкĕрсе пыраççĕ. Унпа пĕрлех тĕрлĕ олимпиадăсене, конкурссене хутшăнаççĕ. Тăрăшулăхпа ыттисемшĕн тĕслĕх пулаççĕ. Акă, апрелĕн 5-мĕшĕнче çавăн пек маттур та пултаруллă районти 10 çамрăка, Чăваш Республикин Президенчĕн стипендине тивĕçнисене, район администрацийĕн актовăй залĕнче савăнăçлă лару-тăрура свидетельствăсем панă. Вĕсем: Анна Титова, Екатерина Свинина, Мария Петрова, Мария Минина, Анастасия Андреева (Комсомольски 1-мĕш тата 2-мĕш вăтам шкулĕсен вĕренекенĕсем), Кристина Кашина (Хирти Явăш тĕп шкулĕ), Сергей Петров (Нĕркеç вăтам шкулĕ), Гузель Камиловна Гадельянова (район администрацийĕн вĕрентÿ пайĕн методисчĕ), Алексей Александровичпа Евгений Владимирович Порфирьевсем («Восток» ЯХПК конюхĕпе тракторисчĕ).
Стипендиатсем кашни уйăхрах 1830-шар тенкĕ укçа илсе тăрĕç. Эпир вĕсене малашне те ăнăçу сунатпăр.
Источник: "Каçал Ен"