02 апреля 2011 г.
Чăваш Республикинчи Халăх пултарулăх çурчĕ хăйтытăмлă учрежденийĕ тăтăшах тĕрлĕ мероприятисем ирттерет. Акă, кăçалхи апрелĕн 6-мĕшĕнчен пуçласа 12-мĕшĕччен Шупашкарта Чăваш Енри тата Раççейри ытти регионсенчи чăваш фольклор коллективĕсен ертÿçисем валли семинар-практикум ирттерет. Унăн теми — «Традиционное художественное творчество чувашей. Проблемы и перспективы развития». Унта вокал, халăх юрри-ташшисене вĕренни, тĕл пулусем, чăвашсен тĕррисемпе тата ал ăсталăхĕпе паллашни пулĕ. Семинара хутшăнакансем пирĕн районти социаллă-культурăллă центра та çитсе курĕç. Унти В.Павлов ертсе пыракан «Каçал» фольклор ушкăнĕн ĕçĕ-хĕлĕпе, пултарулăхĕпе паллашĕç. Мари Элри, Тутарстанри, Пушкăртстанри, Ульяновск, Саратов, Самар, Оренбург, Тюмень, Пенза, Пермь, Иркутск облаçĕсенчи, Красноярск крайĕнчи фольклор коллективĕсен тата хамăр республикăри ырă ят-сум çĕнсе илнĕ ушкăнсен ертÿçисем пирĕн тăрăха çитсе курни мăнаçлантармалла.
Источник: "Каçал Ен"