30 марта 2011 г.
Пуш уйăхĕн пуçламăшĕнче Комсомольски 1-мĕш вăтам шкулĕнче физика, математика тата информатика предмечĕсен вунă кунлăхĕ иртрĕ. Малтанах ачасене линейкăра çак тапхăрта ирттермелли мероприятисемпе паллаштарчĕç. Ун хыççăн шкулăн иккĕмĕш хутĕнче 11-мĕш «а» класра вĕренекен Евгений Сизов «Лист Мебиуса» темăпа калаçу ирттерчĕ. 9-мĕш класра пĕлÿ пухакан Александр Смирнов Космонавтика çулталăкне халалласа «Утро космической эры» ятпа калаçу-презентаци йĕркелерĕ. Вĕсем иккĕшĕ те — районти физика предмечĕн конференцийĕн çĕнтерÿçисем.
Уйăхлăх вăхăтĕнче кашни кунах тĕрлĕ мероприятисем иртрĕç. 5—6-мĕш классенче математикăпа çыхăннă «Математическая разминка», «Угадайка», «Проценты нашей жизни», физикăпа «Опыты тонны», 7—8-мĕш классенче «История «ЭВМ» викторинăсем, «Кто быстрее» эстафета пулчĕç. 8—11-мĕш классен ачисем хăйсен пĕлĕвне «Что? Где? Когда?» викторинăра кăтартса пачĕç. Физика предмечĕпе «Конкурс эрудитов» тупăшу та хăйне евĕрлĕхпе палăрса тăчĕ. Шкул ачисем вунă кунлăха активлă хутшăнчĕç. Уйрăмах пиллĕкмĕш класра вĕренекен Людмила Карсакова, Андрей Ульдин, Надежда Абимова, улттăмĕш класри Кирилл Тихонов, Иван Ильин хастар пулчĕç. Мероприятисене Марина Кокшинапа Александр Смирнов ăнăçлă ертсе пычĕç. Вĕренекенсем кашни мероприятирех хăйсен пĕлĕвне, пултарулăхне кăтартас тесе çине тăчĕç.
Физика учителĕ В.Петров мероприятисене интереслĕрех йĕркелес тесе нумай тăрăшрĕ.
Источник: "Каçал Ен"