30 марта 2011 г.
Мартăн 26-мĕшĕнче Шупашкарта йĕлтĕрпе чупассипе ăмăрту йĕркеленĕ. Унта Хырхĕрри тĕп шкулĕнчи физкультура учителĕ Н.Н.Ятманов та хутшăннă. Хĕрÿ тупăшура Николай Никандрович 55—59 çулсенчи спорт ветеранĕсемпе тупăшнă. 10 километрлă дистанцие 29 минут та 26 çеккунтра чупса тухса вăл пĕрремĕш вырăн çĕнсе илнĕ. Çĕнтерÿçе Хисеп грамотипе хаклă парне парса чысланă.
Çавăн пекех иртнĕ кунсенче Çĕнĕ Шупашкарта çăмăл атлетсем чупса ăмăртнă. Унта Тури Тимĕрчкасси хĕрĕ И.Андреева 800 метра финиша пĕрремĕш çитнĕ. Сăмах май, Инесса халĕ Олимп резервĕсен училищинче вĕренет.
Ентешсене эпир те çĕнтерÿсемпе саламлатпăр!
Источник: "Каçал Ен"