30 марта 2011 г.
Нумаях пулмасть районти ГИБДД уйрăмĕн сотрудникĕсем «Милици тата ачасем» рейд ирттерчĕç. Профилактика мероприятийĕ пынă тапхăрта инспекторсем водительсем çине административлă 14 протокол çырнă. Вĕсем ачасене автомашинăра хăрушсăрлăх йĕркине пăхăнмасăр турттарнипе çыхăннă.
Рейд вăхăтĕнче ГИБДД инспекторĕсем районти шкулсенче те пулнă, ачасемпе тĕллевлĕ калаçусем ирттернĕ.
Сăмах май, паянхи кун районти шалти ĕçсен пайĕн ГИБДД уйрăмĕнче 6 çын тăрăшать. Пай начальникĕн хушăвĕ тăрăх, вĕсем хăйсене çирĕплетнĕ кашни 3—4 шкула тата ача-сачĕсене кварталта пĕрер хутчен çитсе профилактикăлла мероприятисем йĕркелеççĕ.
Источник: "Каçал Ен"