26 марта 2011 г.
Халăха ĕçпе тивĕçтерекен патшалăх службин районти центрĕ ĕçсĕр тăрса юлнисене обществăлла ĕçе вырнаçтарас тĕлĕшпе те ĕçлет. Çулталăк пуçланнăранпа ку енĕпе Комсомольски, Чĕчкен, Урмаел, Шурут, Александровка ял поселенийĕсен администрацийĕсемпе, «Комсомольски районĕн управляющи компанийĕ» ОООпа, район администрацийĕпе килĕшÿсем тунă. 8 çынна направлени парса кĕске вăхăтлăх обществăлла ĕçсене вырнаçтарма май килнĕ. Чи малтанах инвалидсене, нумай ачаллă ашшĕ-амăшне, çул çитмен ачасем ÿстерекенсене, айăплав вырăнĕсенчен таврăннисене, 18 çул çитмен çамрăксене, пуçласа ĕçе пуçăнакансене пулăшма тăрăшаççĕ. Хальлĕхе вăхăтлăх ĕç тупса парас тĕлĕшпе 2 договор тунă, 1 çынна ĕçе вырнаçтарнă.
Источник: "Каçал Ен"