23 марта 2011 г.
Иртнĕ кунсенче Çĕнĕ Шупашкарти «Химик» Культура дворецĕнче республикăри ачасен VII «Веселый башмачок» конкурс-фестивалĕ иртнĕ. Унта районсенчи тата хуласенчи искусство шкулĕсенчи 30 ташă ушкăнĕ хутшăннă. Фестиваль-конкурсра куракансем 6 сехет ачасен ташшипе киленнĕ. Хĕрÿ тупăшура пирĕн районти искусство шкулĕнче вĕрентекен Татьяна Иванован виçĕ ушкăнĕ те çĕнтерÿçĕ пулнă. Аслă ушкăнри ташăçăсем «Халăх ташши» номинацире пĕрремĕш вырăна çĕнсе илнĕ.
Вăтам ушкăнри вĕренекенсем «Эстрада ташши» номинацире — иккĕмĕшсем, «Халăх ташши» номинацире виççĕмĕшсем пулнă. Кĕçĕннисем те çĕнтерÿçĕсем хушшинче «Эстрада ташши» номинацире иккĕмĕш вырăна çĕнсе илнĕ. Пултараççĕ те иккен комсомольскисем.
«Островок» ушкăнри ташăçăсене çĕнтерÿпе саламлатпăр!
Источник: "Каçал Ен"