23 марта 2011 г.
Выльăх апачĕ енчен хĕсĕк пулин те, пирĕн районти ял хуçалăх предприятийĕсем сĕт суса илессипе палăрса тăраççĕ. Кашни ĕнерен сĕт сăвассипе вĕсем елчĕксем хыççăн — иккĕмĕш вырăнта. Пĕрлешÿллĕ хуçалăхсенчи ĕнесем талăксерен вăтамран 11,8 килограмм сĕт антараççĕ. «Сюрбеево» ОООра (16 килограмм), «Рассвет» (14,4 килограмм), «Слава» (13,2 килограмм) хуçалăхсенче, «Урожай» (12,6 килограмм) колхозра кăтартусем татах та пысăк. Районĕпе талăксерен заводсене 27 тонна сĕт каять. Унсăр пуçне халăхран 14 тонна пуçтараççĕ. Кашни хуçалăхра тенĕ пекех лару-тăру йывăр. Утă, улăм, сенаж туянса йывăрлăхран тухмалли çул-йĕр шыраççĕ. Сăвакан ĕнесен шутне чакармасăр çăва тухма тăрăшаççĕ.
Источник: "Каçал Ен"