05 марта 2011 г.
Иртнĕ кунсенче Комсомольскинчи хоккей площадкинче район администраци пуçлăхĕн Г.Волковăн кубокне çĕнсе илессишĕн ăмăрту иртнĕ. Турнира Геннадий Федорович уçнă. «Хоккей çĕнĕрен вăй илсе пырать. Ку уйрăмах çамрăксемшĕн паха тĕслĕх»,— тенĕ район администрацийĕн пуçлăхĕ, хоккеистсене ăнăçу сунса.
Площадкăра икĕ команда вăй виçнĕ. Хĕрÿ тупăшура комсомольскисем нĕркеçсенчен 5:2 шутпа выляса илнĕ. Вăйăра уйрăмах Е.Тихонов, П.Романов, В.Шемекеев, О.Воробьев тата А.Самарин палăрнă.
Çĕнтерÿçĕ-команда район администрацийĕн кубокне илме тивĕçнĕ.
Çакăн пек ăмăртусем ÿсекен çамрăк ăрăва хавхалантараççĕ. Турнира малашне аслисем çеç мар, çамрăксем те хаваспах хутшăнасса шанас килет.
Источник: "Каçал Ен"