05 марта 2011 г.
Хырхĕрри культура çуртĕнче иртнĕ кунсенче «Чаршав уçăлсан» фестивале малалла тăсса Асанкасси, Комсомольски тата Хырхĕрри ял поселенийĕсенчен килнĕ артистсем сцена çине тухнă.
Хырхĕррисем «Сухал мучи мыскарисем» кăтартрĕç. Уйрăмах сцена çинче В.Горбунова, Т.Бормотина, Г.Андреева, Е.Хлебникова, А.Порфирьев рольсене ăста вылянă.
Çавăн пекех комсомольскисем лартнă «Пĕрисем уя, теприсем туя!» пьеса та куракансене килĕшрĕ. В.Григорьев, О.Карсакова, Ю.Федорова, А.Трофимова, В.Павлов, Ю.Тихонов пухăннисене рольсемпе тыткăнланă. Уйрăмах Л.Васильева кулăшла историсем вулани килĕшнĕ.
Асанкассинчи И.Карпова, В.Белова, Е.Маштанова, В.Ларионов, Н.Маргиданов та сцена çинче чăн-чăн артистсем пек вылянă. Вĕсем куракансем умне «Суд туни», «Туссем», «Тĕл пулу», «Кукаçипе куками» инсценировкăсемпе тухнă
Источник: "Каçал Ен"