05 марта 2011 г.
Комсомольски территориллĕ суйлав комиссийĕн кăçалхи мартăн 2-мĕшĕнче иртнĕ канашлăвĕнче пĕлтерĕшлĕ ыйту пăхса тухнă. Унта территори суйлав комиссине пулăшма Çамрăксен суйлав комиссине туса хума йышăннă. Вĕсен йышне 7 çамрăка кĕртнĕ. Гузель Камиловна Гадельянова (администрацин вĕрентÿ пайĕн çамрăксемпе ĕçлекен методисчĕ), Николай Алексеевич Зайцев (РФ казначействин районти уйрăмĕн оперативлă дежурнăйĕ), Дария Ивановна Лукиянова (Комсомольски 2-мĕш вăтам шкулĕн истори учителĕ), Татьяна Петровна Миговорова (районти тĕп больницăн медсестри), Сергей Александрович Петров (Нĕркеç вăтам шкулĕнче 10-мĕш класра вĕренекен), Екатерина Сергеевна Свинина (Комсомольски 1-мĕш вăтам шкулĕн 10-мĕш класра вĕренекенĕ), Ирина Алексеевна Соловьева (Комсомольски 1-мĕш вăтам шкулĕн вырăс чĕлхи тата литература учителĕ) çывăх вăхăтра хăйсен пĕрремĕш канашлăвне ирттерĕç. Суйлав комиссине çамрăксене «Единая Россия» парти, «Единая Россия» партин Çамрăксен гвардийĕ» Пĕтĕм Раççейри обществăлла организацисен регионти уйрăмĕ, РФ Коммунистсен партийĕн районти уйрăмĕ, Нĕркеç вăтам шкулĕнчи «Ровесник» ача-пăча обществăлла организацийĕ, Комсомольски 1-мĕш вăтам шкулĕнчи «Шкул республики» ача-пăча организацийĕ, районти хĕрарăмсен совечĕ тăратнă. Председатель пулма И.А.Соловьевăна çирĕплетнĕ.
Вĕсем çамрăксемпе суйлав ыйтăвĕсемпе тĕплĕнрех калаçасса, ăнлантару ĕçĕсем ирттерессе шанатпăр.
Источник: "Каçал Ен"