Публикации » Курава хутшăннă

26 февраля 2011 г.

«Çĕр улми. Пахча çимĕç — 2011» регионсем хушшинчи отрасль куравĕ Шупашкарта иртни çинчен пĕлтернĕччĕ ĕнтĕ. Пирĕн районтан «Слава картофелю» агрофирма та хăйсем туса илнĕ продукципе хутшăннă. Унта вĕсем пахалăхлă вăрлăхлăх çĕр улмипе паллаштарнă. Тĕрлĕ çĕртен килнĕ ял хуçалăх предприятийĕсен представителĕсем вăрлăха хапăлласа туяннă. Куравра чылай мероприяти пулнă. Вĕсене пирĕн районти ертÿçĕсемпе специалистсем чылайăн хутшăннă. Унта хăйсен малашнехи ĕçĕсенче усă курмалли усăллă сĕнÿсемпе канашсем чылай илнĕ. Вĕсемпе малашнехи ĕçĕ-хĕлĕнче усă курасса шанатăп. Пирĕн район ĕçченĕсем яланах тĕнчери, çĕр-шыври малта пыракан опытпа усă курнă, ĕçлесе япăх мар тухăç илнĕ. Çакăн пек куравсем кирлех тесе шутлатăп.

Источник: "Каçал Ен"