14 февраля 2011 г.
Комсомольски 1-мĕш вăтам шкулĕнче «Наука, рожденная жизнью» кĕнеке выставки ĕçлет. Унăн пĕр пайне А.Г.Николаев летчик космонавта тата вĕрентекенсемпе вĕренекенсене халалланă. Ăна «Комсомольское — Шоршелы— Москва» ят патăмăр. Паттăр космонавт икĕ хутчен пирĕн районта пулнă. Учительсемпе ачасем Шуршăла темиçе хутчен çитсе курнă. 2009 çулта Д.Улусов Н.А.Атласкин вĕрентекен ертсе пынипе С.П.Королев академик ячĕпе иртекен Пĕтĕм Раççейри çамрăксен вулавне хутшăннăччĕ. Вăл «Звездный путь Андрияна Николаева» тĕпчев ĕçĕ тăратнă. Мускавран çамрăк Дипломпа тата хаклă парнепе таврăннăччĕ.
Космонавтикăна халалласа 4-мĕш класра «Звезды зовут» çăлтăр сехечĕ ирттертĕмĕр. Тен, хăшĕ-пĕри тÿпене те çĕкленĕ.
Пирĕн шкулпа ашшĕ-амăшĕ те туслă çыхăну тытать, пулăшма тăрăшать. Викторийăпа Игорĕн амăшĕ О.А.Матвеева шкул библиотекине тĕрлĕ темăпа çырнă кĕнекесем парнелерĕ.
Источник: "Каçал Ен"