12 февраля 2011 г.
Паянхи кун интернет — чи анлă сарăлнă çыхăнусенчен пĕри. Тĕнчипе илес пулсан, интернетпа усă куракансен шучĕ пĕр миллиард, унпа кунсерен çыхăнакансен йышĕнче 200 пин çын шутланать.
Интернет урлă килте ларсах тĕрлĕ ĕç пурнăçлама, документсене кирлĕ вырăна çитерме май пур. Раççей Федерацийĕн Правительствин 2009 çулхи юпа уйăхĕн 17-мĕшĕнчи 1555-р номерлĕ йышăнăвĕпе, Раççей Федерацийĕн миграци службин 2010 çулхи нарăсăн 24-мĕшĕнчи 39 номерлĕ хушăвĕпе килĕшÿллĕн, миграци службин структура подразделенийĕсем халăха пулăшу кÿрессине электронлă майпа йĕркеленĕ.
Электронлă заявлени парас текенсен интернетпа çыхăнса патшалăх тата муниципалитет пулăшăвĕпе тивĕçтерекен http//www.gosuslugi.ru адреспа пĕрлехи портала кĕмелле. Портал урлă патшалăх органĕсем, халăха тивĕçтерекен пулăшусем пирки пĕлтерекен тулли информаципе, заявлени тĕслĕхĕсемпе тата формипе, ăна патшалăх органне тăратас йĕркепе паллашма пулать. Электронлă майпа тăратнă заявленисем, алăран панисем евĕрех, юридици вăйĕнче тăраççĕ. Хатĕр документсене вара яланхи пекех куçăн майпа илмелле.
Раççей Федерацийĕн миграци служби халăха электронлă майпа çакăн евĕр патшалăх пулăшăвĕсемпе тивĕçтерет:
— РФ территорийĕн тулашĕнчи Раççей Федерацийĕн гражданинĕ пулнинеĕнентерекен гражданинăн паспортне çĕнетесси тата парасси;
— РФ территорийĕнчи Раççей Федерацийĕн гражданинĕ пулнине ĕнентерекен гражданинăн паспортне çĕнетесси тата улăштарасси;
— РФ территорийĕнчи Раççей Федерацийĕн гражданинне пурăнакан вырăнта регистраци учетне илесси;
— уйрăм çынсене Раççей Федерацийĕн гражданинĕн уйрăм даннăйĕсемпе тивĕçтересси.
Электронлă патшалăх пулăшăвĕ илес тесен чи малтанах ятарлă регистраци витĕр тухмалла. Хăйсене кăсăклантаракан ыйтусем çине хурав тупас текенсем Раççей Федерацийĕн миграци службин Комсомольски районĕнчи уйрăмне 5-14-12 номерлĕ телефонпа шăнкăравлама пултараççĕ.
Источник: "Каçал Ен"