Публикации » Хаçат тусĕсем маншăн çывăх

09 февраля 2011 г.

Редакцире ĕçленĕ çулсем нихăçан та асран тухмаççĕ. Районта эпир çитмен ял юлман та пулĕ. Хам ĕçленĕ вăхăтра, пĕр пытармасăр каласан, çĕршер çынпа курнăçса калаçнă. Вĕсем хушшинче тĕрлĕ кăмăл-туйăмлă çынсем пулнă. Вĕсемпе пĕр чĕлхе тупнă. Критикăлла çырусем пирки те çÿреме тивнĕ. «Октябрь ялавĕ» хаçатра ĕçленĕ çулсем ман пурнăçра ырă туйăмсем çеç хăварнă. Халĕ те, май пулсан, пуçра шухăш çуралсан пĕр-пĕр тĕрленчĕк е калав çырса паратăп. Пĕрле ĕçленĕ юлташсем çеç мар, хаçат тусĕсем те маншăн çывăх. Ялан тенĕ пекех вĕсем хатĕрленĕ статьясене, эпĕ çырнă калавсене сÿтсе явнă. Хаçатăн малашлăхĕ пулмаллах. Пурне те ăнăçу сунатăп.

Источник: "Каçал Ен"