Публикации » Операци пуçланчĕ

05 февраля 2011 г.

Кăçал юр нумай çурĕ. Сунара тухас е урăх енĕпе уй-хир урлă каяс тесен çил çунасем пулăшаççĕ. Хăшĕ-пĕри вĕсене транспорт хатĕрĕ вырăнне те хумасть пулĕ. Саккун тăрăх вара вĕсене регистрацилемелле. Усă курнă, çÿренĕ чухне техника хăрушсăрлăхĕн тата çул-йĕр правилисене çирĕп пăхăнмалла. Пирĕн районта 2 çил çуна çеç патшалăх регистрацийĕ витĕр тухнă. Шучĕ вара ытларах та пулма пултарать. Регистраци тумасăр вĕсемпе çула тухма юрамасть. Пур енĕпе те юсавлă пулмалла. Ăна тытса пыма ирĕк паракан «А» категориллĕ удостоверени кирлĕ. Çак тата ытти кăлтăксене пĕтерес, çул çинчи хăрушлăхран асăрханас тĕлĕшпе республикăра, çавăн пекех пирĕн районта та «Снегоход» операци ирттереççĕ. Вăл февралĕн 2-мĕшĕнче пуçланнă, февралĕн 23-мĕшĕччен пырать. Çак вăхăтра тĕрĕслевсем пулаççĕ. Юр çинче çÿрекен шута илмен техникăна (çунасене) регистрацилеме ыйтатпăр.

С.КОКАРЕВ,

Источник: "Çĕнтерÿ çуле"