02 февраля 2011 г.
Иртнĕ шăмат кун Йĕпреçри «Патвар» физкультурăпа сывлăха çирĕплетекен комплексра ирĕклĕ майпа кĕрешекенсен турнирĕ иртнĕ. Унта 1994—1996 çулсенче çуралнă хĕрачасемпе арçын ачасем хутшăннă. Маттур та пултаруллă спортсменсем ăмăртăва Патăрьел, Вăрнар, Йĕпреç, Канаш, Комсомольски, Муркаш, Пăрачкав тата ытти чылай районпа хуласенчен килсе çитнĕ. Çак кун кавир çине пурĕ 235 спортсмен тухнă.
Ăмăртура пирĕн район каччисем те палăрнă. Акă, Андрей Артемьев (Анат Тимĕрчкасси) 42 килограмлисем хушшинче виççĕмĕш вырăна тухнă. Урмаел каччи Марсель Шарафутдинов та йывăр виçеллисенчен (100 кг) виççĕмĕш вырăна çĕнсе илнĕ. Сăмах май, иккĕшне те ăмăртăва Валерий Христанович Денисов хатĕрленĕ.
Источник: "Каçал Ен"