26 января 2011 г.
Ачасен тата çамрăксен патриотизм туйăмне вăйлатас, вĕсене физкультурăпа спорта явăçтарас тĕллевпе районта январĕн 23-мĕшĕнчен оборона-массăллă спорт ĕçĕсен уйăхлăхĕ пуçланнă. Вăл февралĕн 23-мĕшĕччен пырать. Çакăн çинчен район администрацийĕн пуçлăхĕ Г.Ф.Волков ятарлă постановлени кăларнă. Вăл вăхăтра тĕрлĕ мероприятисем ирттерме палăртнă. Акă, районти поселенисем хушшинчи тĕп библиотекăра «Береги платье снову, а здоровье — смолоду» ятпа кĕнеке выставки пулать. Çавăн пекех паттăрлăх урокĕсем, тематикăлла каçсем, анлă тавракурăмлисен турнирĕ йĕркелеме палăртаççĕ.
Январĕн 30-мĕшĕнче вара «Слава картофелю» агрофирмăн директорсен совечĕн председателĕн А.П.Капитоновăн призĕсемшĕн ирĕклĕ майпа кĕрешекенсен республикăри турнирĕ пулать.
Источник: "Каçал Ен"