15 января 2011 г.
Агафия Степановнăпа Иван Николаевич Галкинсем раштавăн 2-мĕшĕнче 50 çул пĕр çемьере пурăннине анлă уявланă. Ăна Эткерти клуб ĕçченĕсем савăнăçлă лару-тăрура йĕркеленĕ. Юбилярсене чи малтанах Хырхĕрри ял поселенийĕн пуçлăхĕ А.Н.Воробьев саламланă. «Çур ĕмĕр алла-аллăн пĕр çулпа утма ăнлану, хисеп, пурнăç ăсĕ кирлĕ. Эсир çамрăксемшĕн яланах тĕслĕх пулнă, пулатăр та»,— тенĕ Анатолий Николаевич.
Каярахпа сцена çине С.Смирнова, Л.Зайцева, Г.Толстова, Е.Юманова тата ыттисем тухнă. Уява пухăннисене савăк юрă парнеленĕ. Ял поселенийĕн депутачĕсем Е.Юмановăпа Р.Мавлютов та тухса сăмах каланă, ватăсене ырлăх-сывлăх, вăрăм кун-çул суннă.
Источник: "Каçал Ен"