12 января 2011 г.
Январь уйăхĕнче волейболла выляса мала тухассишĕн Раштав турнирĕ ирттересси пирĕн районта йăлана кĕнĕ ĕнтĕ. Кăçал унта арçынсен 12, хĕрарăмсен 9 команди хутшăннă. Вĕсене район администрацийĕн пуçлăхĕ Г.Ф.Волков, ЧР Патшалăх Канашĕн депутачĕ, «Чувашрегионгаз» ООО генеральнăй директорĕ К.С.Мифтахутдинов, «Кĕтне» ентешлĕх ертÿçи, «Слава картофелю» агрофирмăн директорсен совечĕн председателĕ А.П. Капитонов тата ыттисем те саламланă, тупăшусенче ăнăçу суннă.
Вăйăсем хĕрÿ иртнĕ. Çапах та ăмăртура «Чувашрегионгаз» ОООн (арçынсен те, хĕрарăмсен те) командисене çитекенни пулман. «Нĕркеç», Комсомольски 1-мĕш тата 2-мĕш вăтам шкулĕсенчи командăсем те ăсталăхпа палăрнă.
Источник: "Каçал Ен"