22 декабря 2010 г.
Нумаях пулмасть агропромышленность комплексĕнче ĕçлекенсен профсоюз райкомĕн пленумĕ пулса иртнĕ. Ăна райком председателĕ В.Н.Гаврилов ертсе пынă. Малтанах район администрацийĕн ĕç сыхлавĕ енĕпе ĕçлекен тĕп специалисчĕ Н.В.Прокопьев тухса калаçнă. Вăл ял хуçалăх предприятийĕсенче ĕç сыхлавĕ, техника хăрушсăрлăхĕ тата ытти ыйтусем пирки чарăнса тăнă. Çаксем çинченех «Агропромхимия» ООО, «Комсомольская сельхозтехника» ООО профком председателĕсем Ю.Ю.Атласкина, Н.С.Морозов, социаллă страховани уйрăмĕн тĕп специалисчĕ В.А.Тихонова сăмах илнĕ.
Обязательнăй медицина страхованийĕ пирки тата унти çĕнĕлĕхсем çинчен «Чувашия Мед» страхлакан компанин районти уйрăмĕн начальникĕ З.А.Галкина ăнлантарса панă. Профсоюз комитечĕсен председателĕсем çÿлерех асăннă ыйтусемпе кирлĕ йышăнусем тунă.
Источник: "Каçал Ен"