18 декабря 2010 г.
Районти ял хуçалăх предприятийĕсенчи сĕт-çу фермисен кăçалхи 11 уйăх кăтартăвĕсем пĕлтĕрхи çак вăхăтринчен лайăхрах. Кашни ĕнерен пурĕ 4388-шар килограмм е иртнĕ çулхинчен 92 килограмм ытларах сĕт суса илнĕ. Уйрăмах сăвăм «Рассвет» ЯХПКра пысăк пулнă. Унти ĕнесем вăтамран кашнийĕ 5725-шер килограмм сĕт антарнă. 5 пин килограмм чикки урлă «Пайгас», «Восток», «Асаново», «Искра» хуçалăхсем те каçнă.
Пĕтĕмĕшле илсен çулталăк пуçланнăранпа хуçалăхсем кăçал, 2009 çулхипе танлаштарсан, 5782 центнер нумайрах сĕт туса илнĕ. Уйрăмах ку енĕпе «Восток» ЯХПК ăнăçлă ĕçленĕ. Вĕсем пĕтĕмпе 11457 центнер сĕт сунă. «Урожай» колхозăн (8493 центнер), «Асаново» ЯХПКан (8292 центнер) та кăтартăвĕсем пысăк. Ăçта выльăх-чĕрлĕх çине ытларах тимлĕх уйăраççĕ — унта продукци калăпăшĕ те пысăк.
Продукци мĕн чухлĕ ытларах — укçа-тенкĕ те нумайрах пулĕ. Çавăнпа та выльăх-чĕрлĕх отраслĕпе тимлĕрех ĕçлесчĕ.
Источник: "Каçал Ен"