Публикации » Çĕннине нумай пĕлнĕ

15 декабря 2010 г.

Çын правин Пĕтĕм тĕнчери кунне халалласа районти тĕп библиотекăра интереслĕ мероприяти иртнĕ. Вулав залĕнче «Знай закон смолоду» ятпа кĕнекесен выставки пулнă. Библиотекарьсем вĕренекенсене çын правин Декларацийĕпе, ача прави çинчен калакан Конвенципе паллаштарнă. «Право знать свои права» вăййа та пуçтарăннисем хапăлласа хутшăннă. Конкурссенче вĕренекенсем хăйсем право пĕлĕвне мĕнле пĕлнине кăтартса панă, пурнăçри тĕрлĕ кăткăс лару-тăрăва тишкернĕ. Çĕнтерÿçĕсем призсене тивĕçнĕ. Комсомольски 1-мĕш вăтам шкулĕнчи 10-мĕш «а» класра вĕренекенсем уйрăмах хастар хутшăннă. Вĕсем çак кун хăйсен прависем пирки нумай çĕннине пĕлнĕ.

Источник: "Каçал Ен"