Публикации » Район чысне хÿтĕлĕç

08 декабря 2010 г.

Çулталăк вĕçленеспе районти шкулсенче тĕрлĕ предметсемпе олимпиадăсем иртеççĕ. Унта ачасен пĕлĕвĕ, тавра курăмĕ туллин палăрать. Кăçал олимпиадăсем ноябрĕн 16-мĕшĕнче пуçланнă, декабрĕн 13-мĕшĕччен пыраççĕ. Ачасем хăйсем çулталăк тăршшĕпе илнĕ пĕлĕвне 25 предмет-номинацире тĕрĕслĕç. Нумаях пулмасть Комсомольски 2-мĕш вăтам шкулĕнче 7—9-мĕш классенче вĕренекен 55 ача технологи предмечĕпе тупăшрĕ. Комсомольски 1-мĕш вăтам шкулĕнче 10—11-мĕш классенчи 26 вĕренекен пĕлĕвĕсене тĕрĕслерĕç. Унта Комсомольски пĕрремĕш тата иккĕмĕш, Хырай Ĕнел, Асанкасси вăтам, Александровка пĕтĕмĕшле пĕлÿ паракан тĕп шкулсенчи ачасем палăрчĕç. Чи нумай балл пуçтарнă ачасем район чысне республика ша-йĕнче хÿтĕлĕç.

Источник: "Каçал Ен"