Публикации » Пултаруллисем çĕнтерчĕç

01 декабря 2010 г.

Иртнĕ шăматкун Урмаелĕнче кире пуканĕ йăтакансен районти ăмăртăвĕ иртрĕ. Хĕрÿ кĕрешÿре урмаелсем пĕрремĕш вырăна тухрĕç. Çĕнĕмăратсем иккĕмĕшсем пулчĕç. Комсомольски 1-мĕш вăтам шкулĕн пăхаттирĕсем виççĕмĕш вырăна çĕнсе илчĕç. 55 килограмлă виçеллисенчен чи маттурри Стас Шкаблев (Комсомольски 1-мĕш вăтам шкулĕ), 60 килограмлă кĕрешÿçĕсенчен — Дима Шикарев (Çĕнĕ Мăрат вăтам шкулĕ) пулчĕç. 70, 75 тата 80 килограмлă спортсменсенчен Азат Тукаев (Урмаел вăтам шкулĕ), Александр Волженко (Комсомольски 1-мĕш вăтам шкулĕ), Ильнур Гайнетдинов (Урмаел вăтам шкулĕ) чи пултаруллисем пулчĕç. Йывăр виçеллисенчен Марсель Шарафутдинов (Урмаел) пĕрремĕш вырăна тухрĕ. Абсолютлă чемпион — Азат Тукаев.

Источник: "Каçал Ен"