24 ноября 2010 г.
Халăха ĕçпе тивĕçтерекен районти патшалăх служби ĕç тупайман çынсемпе тимлĕрех ĕçлеме тăрăшать. Кăçалхи ноябрĕн 12-мĕшĕ тĕлне хамăр тăрăхри 21 организаци-предприятире 16 профессипе вырăнсем пур. Агроном, хăма çуракан (рамщик), почтальон, штукатур-маляр, электросварщик, тĕрлĕ ĕç тăвакансем (разнорабочий) тата ытти те кирлĕ.
Республика тулашне тухса каяс текенсем те пирĕн пата килме пултараççĕ. Тĕпрен илсен, механизаторсене, экскаваторщиксене, строительсене, газосварщиксене, тĕрлĕ ĕç тăвакансене йыхравлаççĕ. Ĕçсĕр тăрса юлнă е тупайман, вăл е ку региона каяс текен çынсене халăха ĕçпе тивĕçтерекен районти патшалăх служби информаципе тивĕçтерет, кирлĕ документсем хатĕрлеме пулăшать. Ĕçлекенсене Шупашкар хулинчен уйăхра 2 хутчен хăтлă автобуспа килсе илеççĕ. Çулталăк пуçланнăранпа центр урлă 7 çын урăх регионсене ĕçлеме çÿрет.
Источник: "Каçал Ен"