Публикации » Район администрацийĕн пуçлăхĕ – Геннадий Волков

24 ноября 2010 г.

Ноябрĕн 19-мĕшĕнче районти V созыв депутачĕсен Пухăвĕн черетлĕ ларăвĕ пулчĕ. Кун йĕркине 5 ыйту кĕртнĕ, вĕсем пурте — район администрацийĕн пуçлăхне контрактпа ĕçе илесси пирки. Çак тĕлĕшпе октябрь-ноябрь уйăхĕсенче ятарлă конкурс йĕркеленĕ, конкурс комиссийĕ ĕçленĕ. Комисси председателĕ Петр Краснов пĕтĕмлетÿсемпе паллаштарчĕ. Пурĕ икĕ çын документсем панă — Г.Ф.Волков тата С.В.Горбунов. Конкурс пĕтĕмлетĕвĕсем Геннадий Волков çĕнтернине палăртнă. Геннадий Федоровичăн района аталантармалли программи лайăхраххине палăртнă. Комисси председателĕ П.С. Краснов район депутачĕсен Пухăвне ăна район администрацийĕн пуçлăхне çирĕплетме сĕнчĕ. Депутатсем çак сĕнĕве ырларĕç, пĕр саслă пулса уншăн сасăларĕç. Çапла вара «Россия Федерацийĕнче вырăнти самоуправление йĕркелемелли пĕтĕмĕшле принципсем çинчен» законпа килĕшÿллĕн, халĕ пирĕн районăн та икĕ пуçлăх. Комсомольски район пуçлăхĕпе — депутатсен Пухăвĕн председателĕпе Е.И.Карпеевпа Г.Ф. Волков контракт йĕркипе район администрацийĕн пуçлăхĕ пулма ĕçе илни пирки килĕшĕве алă пусса çирĕплетрĕç. Геннадий Федорович конкурс комиссийĕн членĕсене тата депутатсене хăйне шаннăшăн тав турĕ, пĕрле килĕштерсе ĕçлеме сĕнчĕ.

Источник: "Каçал Ен"