10 ноября 2010 г.
Комсомольски 1-мĕш вăтам шкулĕнче ноябрĕн 2-мĕшĕнче «Тăван çĕр-шывăн Аслă вăрçи çинчен кĕнеке вулăр» ятлă акци иртрĕ. Ăна 6-мĕш «а» класра вĕренекенсем йĕркелерĕç. Унта хаяр вăрçă кунĕсенче тылра тăрăшнă, нумай çул учительте ĕçлесе тивĕçлĕ канăва тухнă Таисия Даниловна Зайцевăна чĕннĕ. Уçă урокра Лев Кассиль çырнă «У классной доски» калава вуласа тухрĕç, ун хыççăн вуланине класс руководителĕпе Н.Воробьевăпа пĕрле сÿтсе яврĕç.
Т.Зайцева терт-нушаллă кунсене аса илсе каласа пачĕ. «Мирлĕ пурнăç кунĕсене упрăр, аçăр-аннĕре хисеплĕр»,— терĕ Таисия Даниловна, ачасене ырă сунса.
Источник: "Каçал Ен"