03 ноября 2010 г.
Шкулсенче кĕркуннехи каникул кунĕсем пуçланчĕç. Çак тапхăрта ачасен хăйсен сывлăхне çирĕплетме те май пур. Акă Комсомольски районĕнчи 77 шкул ачи октябрĕн 29-мĕшĕнче хула тулашĕнчи «Салют» лагере тухса кайрĕ. Вĕсем ларнă 3 автобуса ГИБДД ĕçченĕсем вырăна çитичченех ăсатрĕç. Ачасене Р.А.Сорокин директор ăшшăн кĕтсе илчĕ, тÿрех столовăйне апатланма илсе кайрĕ.
Çак кану валли республика бюджетĕнчен укçа-тенкĕ уйăраççĕ. Ачасем лагерьте 10 кун пулĕç, ятарласа тунă тата çи-рĕплетнĕ программăпа канĕç, кирлех пулсан сипленĕç.
Источник: "Каçал Ен"