27 октября 2010 г.
Октябрĕн 18-мĕшĕнче районта вĕренекенсем хушшинче шахматла выляссипе ăмăрту ирттерчĕç. Вăл Комсомольски 1-мĕш вăтам шкулĕнче пулчĕ. Унта районти шкулсенчи чи ăста шахматистсем хутшăнчĕç. Вăтам шкулсенче вĕренекенсем хушшинче пĕрремĕшсем асанкассисем — П.Бурмаков, Н.Миронов тата Е.Иванова — пулчĕç. Иккĕмĕшпе виççĕмĕш вырăнсене Д.Игонин, В.Катков, М.Чернова (Комсомольски 1-мĕш вăтам шкулĕ) тата Е.Акчурин, А.Акчурин, Е.Вторая (Кĕçĕн Çĕрпÿел вăтам шкулĕ) тухрĕç.
Пĕтĕмĕшле пĕлÿ паракан тĕп шкулсенчи ачасем те хĕрÿ тупăшрĕç. Александровкăсем пĕрремĕш, хырхĕррисем — иккĕмĕш, хиртиявăшсем виççĕмĕш вырăнсене тивĕçрĕç.
Иртнĕ кунсенче район шахматисчĕсем Тăвайра зонăри ăмăртăва хутшăнса 6 команда хушшинче 1-мĕш вырăн йышăнчĕç. Е.Ложкова, Д.Игонин, Е.Акчурин республикăра иртекен шахматистсен турнирне хатĕрленеççĕ.
Источник: "Каçал Ен"