23 октября 2010 г.
Районти Пенси фончĕн ĕçченĕсем пенсин патшалăх софинансированийĕн программине хутшăнтарас тесе тăтăшах калаçусем, тĕл пулусем, авточупусем тата ыттисем те йĕркелеççĕ.
Акă октябрĕн 21-мĕшĕнче шăпах çак программăпа Комсомольски 1-мĕш вăтам шкулĕнче 9—11-мĕш классенче вĕренекенсемпе тĕл пулу иртрĕ. Ăна РФ Пенси фончĕн районти управленийĕн пай начальникĕ И.А.Гришина ирттерчĕ. Унта çавăн пекех шкул директорĕн вĕренÿ тата воспитани енĕпе ĕçлекен çумĕ С.В.Михайлова та хутшăнчĕ.
Пенси свидетельствине саккун тăрăх 14 тултарнă çамрăксем илме пултараççĕ. Каникулсенче ăçта та пулсан укçа-тенкĕ ĕçлесе илсе хăйсен ячĕсем çине хума пултарнине ăнлантарса пачĕ те ĕнтĕ Ирина Анатольевна. «Программăпа килĕшÿллĕн уйрăм çынсенчен заявленисем 2013 çулхи октябрĕн 1-мĕшĕччен йышăнаççĕ. Кĕсье телефонĕсемпе хăш чухне уйăхра 200-шер тенкĕлĕх те калаçса пĕтеретпĕр. Кашни уйăхрах хăвăрăн лицевой счет çине хурсан патшалăх тепĕр çавăн чухлех ÿстерĕ»,— терĕ Пенси фончĕн ĕçченĕ. Çавăн пекех И.Гришина районти Пенси фончĕн управленийĕ 20 тултарнине халалласа сочиненисен конкурсĕ пынине те пĕлтерчĕ. Вĕсен темисем – «Копи на пенсию смолоду» тата «Что я знаю о пенсии?» Вĕренекенсен çыру ĕçĕсене октябрь уйăхĕ вĕçĕччен районти Пенси фондĕнче йышăнаççĕ.
Ачасем тĕрлĕ ыйтусем пачĕç, тулли хуравсем илчĕç.
Источник: "Каçал Ен"